દેશમાં લોકડાઉન લગાવવા અંગે કેન્દ્રીય ગૃહમંત્રી અમિત શાહે કરી મોટી જાહેરાત

દેશમાં કોરોના વાયરસનો વિનાશ ચાલુ છે. બીજી તરંગે દેશભરમાં તબાહી મચાવી દીધી છે અને પહેલીવાર છે કે ભારતમાં એક જ દિવસમાં કોરોનાના 2.60 લાખથી વધુ કેસ નોંધાયા છે. કોરોનાની આ ભયાનક ગતિને જોતા દેશમાં ફરી એકવાર લોકડાઉનનો ભણકારા સંભળાય છે. હાલમાં દેશની લગભગ 57 ટકા વસ્તી પ્રતિબંધ હેઠળ છે, પરંતુ કોરોના જે રીતે બેકાબૂ થઈ ગયો છે, લાગી રહ્યું છે કે સરકાર પાસે એક માત્ર વિકલ્પ લોકડાઉનનો છે. જો કે કેન્દ્રીય ગૃહ પ્રધાન અમિત શાહે સ્પષ્ટ કરી દીધું છે કે “દેશમાં ઉતાવળથી કોઈ લોકડાઉન થશે નહીં અને હાલ આવી સ્થિતિ દેખાઈ રહી નથી.”

એક ઈન્ટરવ્યૂમાં જ્યારે શાહને પૂછવામાં આવ્યુ કે, દેશમાં સંક્રમણ વધી રહ્યુ છે, ત્યારે આવા સમયે શું રાજ્યો પાસે કોઈ અન્ય વિકલ્પ છે ખરા, જેના જવાબમાં શાહે જણાવ્યુ હતું કે, ગત વર્ષે જ્યારે કોરોના આવ્યો હતો, ત્યારે લોકડાઉનનો ઉદ્દેશ્ય અલગ હતો. અમે કેટલાય સ્ટેકહોલ્ડર્સ સાથે ચર્ચા કરી રહ્યા છીએ. અમે બેસિક ઈંફ્રાસ્ટ્રક્ટર અને સારવારની રૂપરેખા તૈયાર કરવા માગીએ છીએ.

બીજા પ્રશ્નમાં શાહને પૂછવામાં આવ્યું હતું કે – પહેલા કોરોનાના પ્રથમ તરંગ દરમિયાન ઘણી પહેલ કરવામાં આવી હતી. કટોકટીની બાબતો હવે કેમ નથી રહી? આ અંગે તેમણે કહ્યું – “આ સાચું નથી. મુખ્યમંત્રીઓ સાથે બે બેઠક થઈ હતી અને હું પણ હાજર હતો. હમણાં જ, રાજ્યના રાજ્યપાલો સાથે બેઠક થઈ હતી. સરકારોને ટેકો આપવા માટે સામાજિક ક્ષેત્રમાં શેરહોલ્ડરોને વધુ પ્રોત્સાહન આપવા અમારી બેઠક મળી છે. રસીકરણના મોરચા પર વૈજ્ઞાનિકો સાથે વાતચીત થઈ છે અને મેડિકલ પ્રોટોકોલ સુધારવા માટેની બેઠક થઇ છે. આનાથી સંપૂર્ણ લડવાની તૈયારીઓ કરવામાં આવી રહી છે. આ સમયે સંક્રમણની ગતિ એટલી ઉંચી છે કે આ લડાઈ થોડી મુશ્કેલ છે. પરંતુ મને વિશ્વાસ છે કે અમે આ જીતીશું.

ગૃહમંત્રીએ જણાવ્યુ હતું કે, ગત વર્ષે કોરોનાને લઈને આપણે તૈયાર નહોતા. ત્યારે આપણી પાસે કોઈ દવા અથવા રસી પણ નહોતી. હવે સ્થિતી ઘણી બદલાઈ ગઈ છે. ડોક્ટર્સ કોરોનાને સારી રીતે સમજી ગયા છે. તેમ છતાં પણ અમે મુખ્યમંત્રીઓ સાથે ચર્ચા કરી રહ્યા છીએ. સર્વસંમ્મતિ સાથે અમે આગળ વધીશું. હાલમાં જે રીતની સ્થિતી દેખાઈ રહી છે, તે જોતા લોકડાઉન જેવી સ્થિતી દેખાતી નથી.

ઇન્ટરવ્યૂમાં, ગૃહ પ્રધાનને પૂછવામાં આવ્યું હતું કે કોરોનાના નવા પ્રકારને સૌ વધુ ભયંકર ગણાવી રહ્યા છે. તમે તેના વિશે ચિંતિત છો? તેમણે કહ્યું કે દરેક ચિંતિત છે. હું પણ તેની ચિંતા કરું છું. અમારા વૈજ્ઞાનિકો તેની સામે લડવાનું કામ કરી રહ્યા છે. મને વિશ્વાસ છે કે આપણે જીતીશું. મને લાગે છે કે તેજી મુખ્યત્વે વાયરસના નવા મ્યુટન્ટ્સને કારણે છે. તેજી ઘણા દેશોમાં જોવા મળી રહી છે. વૈજ્ઞાનિકો તેનો અભ્યાસ કરી રહ્યા છે અને તેના પર નિષ્કર્ષ સમય પહેલા મળશે.

દેશમાં એક તરફ કોરોનાના સંક્રમણના કેસો રોજ 2 લાખથી વધુ જઈ રહ્યાં છે, તમામ લોકોને નિયમોનું પાલન કરવા માટે કહેવામાં આવી રહ્યું છે પરંતુ જાણે કે દેશના ગૃહમંત્રીને આ નિયમો લાગુ પડતા નથી. કોરોનાના વધતા સંક્રમણ વચ્ચે કેન્દ્રીય ગૃહ મંત્રી અમિત શાહે પશ્ચિમ બંગાળના નાદિયા જીલ્લામાં એક રોડ શો કર્યો હતો. આ અગાઉ અમિત શાહે રવિવારે જ વર્ધમાન પૂર્માં એક ચૂંટણી રેલી સંબોધી હતી અને મમતા બેનર્જી પર આકરા પ્રહાર કર્યા હતા. તેમણે રેલીમાં દાવો કર્યો હતો કે, ‘આ વાત સ્પષ્ટ છે કે ભાજપ 122 બેઠકો પર મમતા બેનર્જીથી આગળ છે. અમે બોમ્બ, બારુદ અને બંદૂકના મૉડલને વિશ્વાસ, વિકાસ અને વેપારના મૉડલથી બદલીશું. દીદીનો એક ઑડિયા બહાર આવ્યો હતો જેમાં કૂચબિહાર હિંસામાં માર્યા ગયેલા લોકોના મૃતદેહ સાથે રેલી કરવા માટે કહે છે મમતા દીદી શરમ કરો, મૃતકો સાથે પણ તમે રાજકરણ રમી રહ્યાં છો. બંગાળમાં ઘૂસણખોરો રાજ્યના લોકોના રોજગારને આંચકી લેવાનું કામ કરે છે. ઘૂસણખોરો બંગાળી લોકોનું રાશન લઈ જાય છે. ઘૂસણખોરો જ રાજ્યમાં કાયદો વ્યવસ્થાની સ્થિતિ બગાડી રહ્યાં છે. આ લોકોને અટકાવવાનું કામ માત્ર ભાજપ જ કરી શકે છે.’

Related posts

ઉત્તરાખંડ: ભારે પવન સાથે વરસાદ, ઉચાઇવાળા વિસ્તારોમાં બરફવર્ષા

Inside Media Network

ગુજરાત વિધાનસભા: લવ જેહાદનો કડક કાયદો, લોહીના સબંધ ધરાવનાર પણ કરી શકશે ફરિયાદ

West Bengal Assembly Elections 2021: બંગાળમાં આજે ચોથા તબક્કાનું મતદાન, હાઇપ્રોફાઇલ નેતાઓનું ભાવી EVMમાં થશે બંધ

Inside Media Network

રાહત: બ્લેક ફંગસની દવા એમ્ફોટોરિસિન-બી 1200 માં મળશે, જાણો ડિલીવરી ક્યારે શરૂ થશે

GST વ્યવસ્થાને સરળ બનાવવા વેપારીઓએ કર્યું ભારત બંધનું એલાન

Inside User

ચક્રવાત યાસ: પીએમ મોદીએ ઓડિસાના મુખ્ય પ્રધાન સાથે કરી બેઠક, તોફાનને કારણે સર્જા‍ય વિનાશની લીધો માહિતી

Republic Gujarat