મમતાનો ગંભીર આક્ષેપ – કૂચબહારમાં ચાર લોકોની હત્યા માટે અમિત શાહ જવાબદાર

પશ્વિમ બંગાળના કૂચબિહાર માં હિંસાની વચ્ચે બૂથ નંબર 125 પર મતદાન રદ કરવામાં આવ્યું છે. સીતાલકુચીના આ બૂથ પર હિંસાના સમાચાર બાદ મતદાન રદ કરવામાં આવ્યું છે. આ ઘટનાક્રમને લઇને મમતા બેનર્જીએ કેંદ્ર પર કાવતરું રચવનો આરોપ લગાવ્યો છે. પીએમ નરેન્દ્ર મોદી એ પણ સિલીગુડીની રેલીમાં કૂચબિહારની ઘટના પર ચિંતા વ્યક્ત કરતાં ચૂંટણી પંચને દોષીઓ વિરૂદ્ધ કડક કાર્યવાહીની માંગ કરી છે.

કૂચ બિહારમાં ચાર મોત માટે અમિત શાહ જવાબદાર: મમતા બેનર્જી
પશ્ચિમ બંગાળના મુખ્યમંત્રી મમતા બેનર્જીએ ગૃહ પ્રધાન અમિત શાહ પર ગંભીર આક્ષેપો કર્યા હતા. તેમણે કહ્યું કે કૂચ બિહારની ઘટના માટે અમિત શાહ સંપૂર્ણ રીતે જવાબદાર છે અને તે પોતે કાવતરું કરનાર છે. હું કેન્દ્રીય દળોને દોષી ઠેરવશે નહીં કારણ કે તેઓ માત્ર ગૃહ પ્રધાનના આદેશ હેઠળ કાર્ય કરે છે. તેમણે કહ્યું કે મારું માનવું છે કે આ ઘટના પૂર્વનિર્ધારિત હતી. હું આ મામલે તપાસના આદેશ આપીશ.

સિલિગુડી ખાતેની રેલીમાં વડાપ્રધાન મોદીએ કૂચબિહારમાં થયેલી હિંસા મામલે મમતા બેનર્જી પર નિશાન સાઘ્યું હતું. તેમણે કૂચબિહાર ખાતે થયેલી હિંસાને દુખદ ગણાવી હતી. વડાપ્રધાને કહ્યું કે, ભાજપના પક્ષમાં જનસમર્થન જોઈને દીદી અને તેમના ગુંડાઓની બેચેની બેકાબૂ થઈ ગઈ છે. સાથે જે તેમણે આ પ્રકારની હિંસા દીદીને બચાવી નહીં શકે તેવો દાવો કર્યો હતો.

લોકોને સંબોધતી વખતે વડાપ્રધાને કહ્યું કે, પોતાની ખુરશી હાથમાંથી છટકી રહી છે તેથી દીદી આ સ્તરે ઉતરી આવ્યા છે. બંગાળમાં દીદી અને ટીએમસીની મનમાની નહીં ચલાવી લેવામાં આવે. હું ચૂંટણી પંચને વિનંતી કરૂ છું કે, કૂચબિહાર ખાતે જે બન્યું તેના દોષિતો વિરૂદ્ધ આકરી કાર્યવાહી કરવામાં આવે. વડાપ્રધાન મોદીએ મમતા બેનર્જીને ઉદ્દેશીને કહ્યું કે, ‘દીદી, આ હિંસા, લોકોને સુરક્ષા દળો પર આક્રમણ કરવા ઉશ્કેરવાની રીતો, ચૂંટણી પ્રક્રિયામાં રોડા નાખવાની પદ્ધતિ તમને નહીં બચાવી શકે. આ હિંસા તમારા 10 વર્ષના કુકર્મો સામે તમારૂં રક્ષણ નહીં કરી શકે.’

Related posts

પી.એમ મોદી બે દિવસના બાંગ્લાદેશના પ્રવાસે રવાના થયા, કહ્યું – મિત્ર દેશની મુલાકાત લેવાની ખુશી છે

Inside Media Network

પ્રતીક્ષા પૂરી થઈ: આખરે દિલ્હીમાં ચોમાસું દસ્તક્યું, રાજધાની સહિત એનસીઆર વિસ્તારોમાં વરસાદ

છેલ્લા 24 કલાકમાં 1.69 લાખ નવા કોરોના કેસ, ભારત બીજા સ્થાને

Inside Media Network

12 દિવસ પછી, દૈનિક કેસોમાં ઘટાડો, છેલ્લા 24 કલાકમાં નવા 40,715 કેસ, 199 લોકોના જીવ ગયા

Inside Media Network

દિલ્હી: પૂર્વ સાંસદ શ્યામચરણ ગુપ્તાનું નિધન, કોરોના પોઝિટિવ આવ્યા બાદ હોસ્પિટલમાં થયા હતા દાખલ

Inside Media Network

ગુજરાત: આજથી રાજ્યમાં ધોરણ 12 અને કોલેજના ઓફલાઈન વર્ગો શરૂ, ભારે ઉત્સાહ સાથે વિદ્યાર્થીઓ શાળામાં પહોંચ્યા

Republic Gujarat